[A:681]dgongs 'jags zhu gsungs pa na/ kun kyang mi phyed dad pas thal mo snying khar zum/ de nas 'bras spungs pa'i dbu bzhugs zhal ngo sgo byed dang / dge ldan khri pa'i phyag mdzod gnyis kyang rim bzhin stan las langs te snga phyi'i byung rkyen mtha' dag zhib par gsol/ dge bshes zhig nas chos kyi 'bel gtam dang bcas zhu ba/ so so la rang rang gi bsam pa dang mthun pa'i bka' bsgyur bsam gyis mi khyab pa gnang / bar pa gong gsal rnams nas kyang zhu 'degs mdzad/ de rjes bzhi sder rgyal blon sogs dang / ser byes dbu dmangs sogs la'ang gong ltar bka' slob snying gi bdud rtsi bstsal/ de nas zhag 'ga'i bar la yi ge'i lam nas bden rdzun gtan la dbab pa sogs sku ngal khyad du bsad de sgrigs 'dum mdzad/ de dus phar byon tshur byon skabs khrom tshogs 'bum du longs pa dag nas kyang sangs rgyas dngos slob dpon rin po che sa skya bdag chen mkhyen/ mkhyen/ bdag cag zing gzhi 'di las bskyab tu gsol/ zhes du ma lab cing gsol ba 'debs pa dang / dmag mi rnams nas kyang mjal phyag ma byung dogs nas 'tshangs byed de 'byon lam mi shong ba lta bur byung / de nas so sos bdag chen rin po che'i bka' la don 'khyol zhu bar thag chod mtshams/ glo bur du rkyen ngan lta bus ma sgrib pa/ re zhig dbus lho phyogs su phebs te/ dgon sde rnams la rab gnas mchod 'bul so so'i 'dod 'char gyi chos bka' mang 'gyed bslab khrims nas