[A:684]dral zung dang / gnyan mgon zhal bzhi pa bcas bzhugs pa'i gzim spyil mgon khang shar/ sngon du song ba bzhin g.yu khar ra mo che'i gtsug lag khang gi byang du bsti gnas phun dpal rten brten pa bcas dang / lhag tu yab rje grub pa'i dbang phyug dang / ngag dbang kun dga' rgyal mtshan zung gi sman sku byin rlabs gzi 'bar sprul pa'i gandho la chen po'i nub byang mtshams su/ yab rje rdo rje 'chang padma bdud 'dul dbang phyug gi gdung rten dri gtsang khang sngar bshad pa bzhin rgyal yum zhing skyong dbang mo'i nang rten dngul gdung khyad 'phags/ lha thil khyams stod du gdung zhing gshegs kyi nang rten/ gu ru rin po che snang srid zil gnon gser zangs las grub pa'i thugs kar yab rje pad ma'i mtshan can gyi phyag bzo 'khrul med slob dpon rin po che'i sman sku bzhugs pa/ lha rtse bla ma lha khang du stod hor sogs mtha' dmag gi kha gnon du yab rje padma'i mtshan can gyi sman sku nang gzungs su de nyid kyi gdung tshwa ci mang dang / rig byed lha mo'i snang brnyan thugs kar bzhugs pa'i sku 'dra shin tu byon gtsang ma log 'dren zil gnon du grags pa rten bzhengs mdzad rigs rags tsam dang / gzhan yang sgar chen gyi gdan sa yul chen 'dzam gling kun smon dang / yab rje dbang sdud snying po'i gzim spyil sbu gzhis dang / bzang ldan chos sde sogs la'ang nyams gso dang / dge 'dun rnams la bca' khrims sdom pa sogs yab mes gong ma rnams kyi mdzad spyod kyi rjes su slob par mdzad do/ /