[A:685]de lta bu'i dam pa de nyid rig pa 'dzin pa'i sdom pa gsum gyis thugs rgyud bcings te/ gong du brjod pa bzhin bsnyen sgrub gyi rim pa mang du gnang ngo / /rgyun du yang / dpal sa skya'i thugs dam bir srung dang lam zab phyi nang gnyis re dang / lam rgyas bsdus zung / de steng dril bu lus dkyil lam/ nA ro mkha' spyod gang rung bsnan pas bzhir grags pa rnams dang / 'byung po 'dul byed/ srung 'khor rdo rje brag rdzong ma rnams chags med dang brgyad/ bcu bzhi nyer gsum nyer dgu rnams la sgrub mchod gtor bzlog sogs phebs skabs su de nyid dang / gzhan du mgon khang so sor bskang gso ched phebs kyis chag med mdzad/ gzhan yang tshes gsum dus mchod/ rmug chung sogs su'ang chog grwa dang / nang gsol zhes pa nyer spyod mchod chab sogs sku 'khor gsol gzim gang rung nas gtong rten rnams zhing ma brjes bar du gnang skad 'dug pa sogs thugs nyams su bzhes pa las da gzod grub 'bras sngon du brnyes zin pas/ grub mtshan mngon shes sogs ni byis pa mtshar skyed tsam las dper na lo legs na rtsa dang phub ma zhar la byung ba 'dra bas dam pa rnams dges par gyur dben yang rang cag gdul bya dman pa rnams kyi ngor cung zad gong du brjod zin pa dang / gzhan yang sku gzhon nu'i dus su nyin ltar 'bras sil zhal dkar re 'bul dgos pa/ nyin gcig cung 'gyangs pa gzigs nan che ba dang bcas zhal dkar 'bras bcas zhabs lha'i rdo gcal nang du