[A:688]bla ma gong ma dag gi mngon dkyil sogs gzhung lugs rnams dang / mthun mi mthun gyi dag zhur yang dag mdzad/ gal te mi mthun pa 'dug na lung rigs rnam dag gis rgyab gnon dang bcas tshar bcad de phyin chad de rigs mi chog pa'i bka' nan dang / gal cher lus longs spyod thog bka' nyes sogs bstsal te bstan pa'i mig rgyan la phan par mdzad pa shin tu mang ba dper mtshon na/ deng dus bdun pa'i bskul res zhes pa 'di snga dus med kyang bdag nyid chen po de nyid kyi sku dus su tshogs phebs dang slob dpon rtag par gnang skabs ban tshang gzhon gras dang bsnyen song rnams nas 'don chog dang dbyangs rol rnams blor chub yod med sna tshogs la brten re re bzhin zhu dag dang 'brel phyin chad de bzhin mi 'byung ched bdun pa'i phur sgrub zla gcig ring gzhon gras rnams la bskul res 'di bzhin 'dzugs gnang la brten/ deng sang slob gnyer yar skyed 'di bzhin byung 'dug pa sogs kyis shes so/ /rtsom pa sdebs legs kyi phreng bas rgyal bstan mdzes par mdzad pa yang / spyir rtsom pa zhes pa yi dam gyi lha dang sangs rgyas byang sems la bstod pa rtogs brjod sogs dang rgyal gsung mdo rgyud rab 'byams kyi dgongs pa dang 'brel ba'i bstan bcos la sogs pa 'phags bod du byon pa'i paN grub rnams kyis mdzad pa bzhin nus tshe rtsom pa kho nas kyang yi dam lha yi zhal mthong ba dang / gnas lugs kyi don rtogs pa la sogs pa 'byung bar gsungs kyang / de las ldog pa'i kun