[A:687]du snang yang 'dis mtshon par bya'o/ /'chad pa nyi ma'i 'od zer gyis gdul bya'i blo gros kyi pad tshal 'byed pa'i tshul yang snga phyir gsung ngag rin po che smin grol gyi gdams pa thengs gsum tsam gnang / mgon po'i chos skor sogs dang lung man ngag mang du gnang ba'i dngos slob kyang / gang gi sku mched sngags 'chang kun dga' bsod nams sku mched yab rje rdo rje 'chang kun dga' snying po mched zhal zung gang gi rigs sras rje btsun rnams dang / 'jam mgon mkhyen brtse dbang po gong dkar mchog sprul/ chos sde nyi zla zung gi mkhan slob rnams dang / gzhan yang gong ma bdag po chen po'i bla mchod lcang skya rin po che/ chu bzang sprul sku/ lcang lung sprul sku/ brag g.yab no mi han/ sde dge rgyal sras bla mas mtshon gangs can gyi dgon gnas so so'i mkhan po/ de dag gi bu slob yang slob sogs kyis 'dzin ma'i khyon 'dir khyab par rgyal bstan ji srid gnas kyi bar du 'phrin las rgyun mi 'chad do/ /rtsod pa rdo rje'i me char gyis log lta'i ri bo snyil tshul ni/ spyir rtsod pa zhes pa rang gzhan gyi grub mtha'i gzhung gang yin dpang du btsugs te rgol snga phyi rnam gzhag gi rgyal bstan dag par sgrub pa bzhin la 'jog pa la dam pa 'di nyid nas dngos su rtsod pa ma mdzad kyang brgyud nas sdom pa gsum gyi phyag len spyi dang bye brag gsang sngags kyi dkyil 'khor bri thig rgyan gtor bzo dbyangs rol cho ga phyag len gang la yang rgyud dang grub chen gyi gzhung dang /