[A:693]zla ba'i mkha' 'gro 'du ba'i dus kyi tshes nyer gcig la sku rlung gi snyun gzhi lta bu'i dbu phran tsam snyung ba'i tshul bzhes te/ rdor sems kyi sgom bzlas mdzad pa dang / de nas cung zhig nas 'da' kha ma'i rnal 'byor zab mo gsal 'debs par mdzad de/ nyi zla'i rlung dhu tA'i nang du bsdus te/ rnam kun mchog ldan gyi stong nyid dang / mchog tu mi 'gyur ba'i bde chen ro mnyam par/ 'od gsal phyag rgya chen po'i ngang du mnyam par bzhag nas/ thun mong gzugs sku'i bkod pa chos dbyings su bsdu ba'i tshul bstan/ de 'phral mkhan khri bkra shis chos 'phel nas thugs dam zab mo'i gsal 'debs zhus thog de nas tshes nyer lnga'i srod la dge ldan gnam mchod kyi thog khar snang gsal sogs kyi mchod pa sbrengs shing / dung rgya gling rdar ma bsu sna sogs rol mo'i cha byad sna tshogs sgra snyan gyi phyogs kun khyab pa dang mnyam du gong 'od gsal las zung 'jug gi skur bzhengs te/ dpa' bo mkha' 'gro'i tshogs kyi mdun bsus shing / mdo nas bshad pa'i bde ba can nam sngags nas bshad pa'i mkha' spyod rig 'dzin gyi gzhal yas khang du spyan drangs par gyur to/ /de nas sku spur longs sku'i chas su bzhugs su gsol ba'i mdun du sna lnga'i mchod sprin rab 'byams bcas/ dge 'dun bzhi gras bla mchod la sogs pa gzhung sger sogs nas dgongs rdzogs don ldan sgrub cing skabs der phun phor yang snyan 'bul zhus tshod la/ de 'phral skyabs mchog kun dga' bsod nams