[A:692]pa'i dag snang shar te/ de nas yab rje grub pa'i dbang po dang / yum mchog zhing skyong dbang mo skal bzang bde skyid bu khrid bcas kyang bzhugs 'dug pa/ yab rje rdo rje 'chang gi gsung las/ 'o khri chen kyang byon pa shin tu legs/ da 'di rang du bzhugs shig gsungs pa'i mod la gnyid sad pas thugs yid dga' skyo 'brel ba'i ngang las/ gzhan dang mi 'dra ba'i rig pa dwangs sing nge ba zhig byung ba gang yin ni ma shes/ zhes zhabs 'bring pa 'ga' zhig la gsung pa na/ bde ba can dang seng ge bris cha dang mtshungs pa lags sam zhus pas/ bris cha ni mtshon byed tsam yin/ de lta'i zhing khams ni brjod du med pa'i ngo mtshar che nges shig gda' gsungs pa ni sa lo chen po dang rje btsun rin po che'i rnam thar dang mtshungs/ yang lha bzo ba dbu mdzad rnam rgyal la/ bstan ma bcu gnyis kyi zhing bkod 'di dang 'di bzhin bris shig gsungs pa'i bka' gnang bzhin bris zin pa/ gzigs rtog phul ba na/ 'o 'di la rgyab zung dgos pas drung rams pa zhig la sprod/ 'di la tsha brag kyang yod do gsungs/ phyis brtag tshe brtan ma bcu gnyis rnams gdan la bzhugs shing / gzhon pa rnams spa ra lta bu zhig na 'dug pa'i zhal bkod mdzad 'dug pa bod khams skyong ba'i gzhi bdag rnams la'ang da ni bzhugs shig gsungs pa'i brda dang / de nyin sku 'khor rnams la de ring shin tu skyid po rang 'dug khyed rang rnams lhod par sdod gsungs/ de'i sang hor lugs smin drug