[A:697]ma byon pa rnams btul te/ gdung 'dam las spar ba'i bla ma chos srung nor lha'i sku du ma dang / khro phu byams pas dga' ldan nas phab pa'i thub dbang lha bab mas mtshon gser sku dang sman sku 'grel bzhi bcu byin can rnams bzhugs pa la rin po che du ma'i phra rgyan gyis mdzes pa/ lha chen du yab rje padma'i mtshan can gyi nang rten gyi g.yas ngos su zhal shar bstan du bzhugs pa 'di nyid la/ yab rje mchog nas rab gnas bsdus pa lan du ma/ rgyas pa zhag bdun bcas bstsal bas/ slar chu stod zla nang gza' tshes dge bar bdag khri ngag dbang kun dga' bsod nams/ chog grwa ban tshang pa dang bcas pas rdo rje phur pa la brten pa'i rab gnas shin tu rgyas pa/ zhi rgyas kyi sbyin sreg grol nyin phyi bskor la me tog 'thor ba/ lha chen glo bur la gos sku zhal phye'i mchod 'bul dang / gtsug lag so sor yang sna lnga'i mchod pa brgya phrag du ma dge 'dun dang skye bo'i sde la dngos 'gyed sogs rgya che ba dang / lo dus kyi sku mchod du gzhung sger nas dpal chen rdo rje phur pa'i sgrub mchod rdul tshon gyi dkyil 'khor zhal phye stee zhag lnga / dus chen nyin ser 'du ja thug zhal bskor skabs dgos pa'i bzang gos kyi mchod phreng bcu gnyis mtshan pa gsar bskrun sogs/ mdor na dpal ldan bla ma dam pa rdo rje 'chang nyid kyi zab dgongs yongs su rdzogs thabs rgya che ba'i thabs la brtson par mdzad tshul mdo tsam bshad pa ste/ de rnams kyis bdag chen sngags 'chang mangga'i mtshan can gyi mdzad