[A:698]pa'i cha shas cung zad bshad zin to/ /
de nyid dang yab yum gcig pa'i a lce drung rje btsun skal bzang chos kyi nyi ma ni rjes su zhabs byang du bzhugs shing thugs dam kho na la brtson pa rnam sras sogs kyi chos skor 'ga' zhig 'chad spel mdzad pa po de nyid dang / sring mo bgres pa kun bsod bstan pa'i nyi ma zhes yongs grags su btsun mo spel du bzhugs pa'i btsun mo'i rje btsun du grags pa de dang / sring mo chung ba rjes su zhabs lhor bzhugs pa'i mchog gsum 'phrin las dbang mo zhes pa de nyid dang / sku mched chung shos sgrol steng du bzhugs pa 'chi med dpal gyi dbang mo'am/ yongs grags su bla ma dpal la zhu ba bgres mo de nyid bcas 'di dag kyang rgyun gtan sbas pa'i rnal 'byor mas bzhugs te lam dus lam zab sgrol chog brag rdzong ma gur drag sogs dang / phur chung gtor bsngo bskang ba thugs dam ma bcas chag med mdzad pa kho nas kyang dngos su mthong ba bcas thugs dam la brtson zhing / sku sger gyi phyag rdzas phran yod dag kyang gang gi yab yum rnams kyi dgongs rdzogs kyis mtshon rnam dkar kho nar 'byor gtong mdzad pa sogs dam pa'i ngang tshul kho na lhur bzhes mdzad do/ /
2 kun dga' snying po/
de lta bu'i bdag chen mangga'i mtshan can de nyid kyi rigs bdag yab