[A:699]rje padma'i mtshan can gyi bka' bzhin gsang yum bgres pa hor khang gsar pa skal bzang dpal gyi sgrol ma las/ rje btsun 'chi med nyi zla dbang mo las gdung sras ma byung zhing / de rjes yab rje rdo rje 'chang padma'i mtshan can gyi bka' bzhin slar yang dwags po lcang ra ba bsod nams dpal sgron bu khrid gsang yum du bzhes te/ mngal gsol mtshan 'dogs bcas mdzad kyang / sa skya pa'i gdung rabs gtsang ma 'di bzhin gzhan dang mi 'dra bas shin tu phebs dka' ba dang / sngon du gdung sras gnyis byung / snyigs lnga'i 'gro rnams bsod nams kyi shugs chung bar brten/ zhabs ma brtan par bdag chen nyid nas yab rje grub pa'i dbang phyug padma bdud 'dul dbang phyug la gdung rabs myur 'byon gyi 'phrin bcol gsol 'debs kyi bskul ma mdzad pa/ yab rje mchog nas kyang zhal bzhes te rum steng 'og sogs gdan sa 'di nyid kyi chos srung ye shes pa dang dbyer med pa dngos su bzhugs pa'i mgon khang rnams su 'phrin bcol mdzad de/ grol nyin brtag dpyad zhu gnang skabs yab rje mchog gi bka' las/ gces gzhan ni yong mkhan mi 'byor 'dug spo bo shugs ldan yong ba yod do zhes bka' stsal ba drang don tsam las don la/ byang chub sems dpa' phyag na padmo 'chang ba nyid dmu rgod gdul dka' sems can 'dul ba'i slad du mi'i gzugs su sprul par lung bstan pa yin te/ rgyal chen rdo rje shugs ldan rtsal zhes grags pa de 'phags pa spyan ras gzigs dang ngo bo