[A:701]chung chos skyong chen pos kyang/ 'di la mtho 'tsham byed mi nyan rdo rje shugs ldan rtsal bya ba yin gsungs pa sogs spyan ras gzigs kyi sprul pa yin pa la sus kyang bsnyon du med pa ma zad/ bdag chen mangga'i mtshan can de nyid nas thugs mnyam 'od gsal lha bla'i lung bstan gang yin yang gong du brjod pa bzhin da lta'i bar la gsar btsugs mdzad pa sa mchod du grags pa/ dge ldan lnga mchod bzhin gyi pho brang lho byang/ bla khag chos sde khyim bdag dang kha ba can gyi mchod me'i phreng ba tshar du dngar ba dang/ pho brang rnams kyi rtse nas dung rgya gling rnga zlum bsur rna sogs sgra snyan yid du 'ong ba du mas mchod pa dang/ snga dus lha chen lcags ri khar dge 'dun bgres gzhon med nas gdung shugs drag po dang bcas/ rje btsun brtse ba chen po kun dga' snying po de nyid kyi gsol 'debs 'ur 'don du ma gdangs dang bcas mdzad srol mchis pa rnams kyi byin mthus ring po ma lon par yab rje rdo rje 'chang de nyid yum gyi mngal du phebs par/ de nyid kyi rnam 'phrul la ni 'chug pa med la/ dus phyis yab rje rdo rje 'chang rang nas kyang ngos thang stong rgyal po dang gnyis med yin zhes nyams ldan gyi tshul du zhal gyis bzhes pa rnams kyang/ sprul gzhi 'phags mchog pad dkar bzung ba kho na ru nges pa rnyed pa dang/ de yang yab rje padma'i mtshan can gyi lung bstan stsol skabs yum gyi lhums su ma zhugs gong du yin 'dug pa ltar phyis 'khrungs tsam nas da lta'i bar