[A:702]mgul yang cung zad 'dzer nyams che ba sogs sngon rgyal chen 'di nyid mkhas grub chen por bzhugs par gzhan gyis phrag dog gis bkrong skabs mgul du dar rdzong phul ba sogs kyi mtshon byed yin pa kun gyis brjod pa sogs dang/ don du slob dpon rnal 'byor gyi dbang phyug bIr ba pa dang/ gong gi thugs sras sa skya pa chen po kun dga' snying po grub chen thang stong rgyal po rnams thugs rgyud gcig pa yin pa lung gis kyang grub ste/ de yang bla ma sa chen 'di nyid bltams nas ring por ma lon pa/ bla ma gnam kha'u pa de nyid kyi sku pang du bzhes shing 'di ni 'phags pa spyan ras gzigs kyi sprul pa nges pa yin cing rnal 'byor dbang phyug nyid du'ang mi 'gal ba yin no/ /zhes gsungs pa 'di yis grub pa dang/ de rnams dang grub pa'i dbang phyug thang stong rgyal po dang thugs rgyud gcig pa ni grub chen nyid kyis bzhes pa'i gter lung las/ zhi ba thugs rje chen po dang/ /drag po khro rgyal dbang chen gnyis/ /dbyer med gcig tu 'khrul pa las/ /sku yi cha lugs zhi ma khro/ /zhes sogs gsungs par grub pas na dpal kye rdo rje'i bshad rgyud saM bhu Ta las/ gar mkhan dag dang ri mo bzang ltar snang/ /gang zhig drug pa zhes pa'i sangs rgyas de/ /gcig pu nyid ni du ma'i gar mdzad do/ /zhes pa ltar/ rgyal ba khyab bdag rdo rje 'chang nyid kyi brtse chen thugs rje rang gzugs su shar ba ni/ rgyal sras sa bcu'i dbang phyug gi tshul bzung ba gang nyid dus snyigs ma lnga bdo bas kyang cher bdo ba'i