[A:707]sogs 'dus pa'i tshogs la 'jigs bral dpal ldan chos skyong gi bzhed gzhung gsung ngag rin po che lam 'bras bu dang bcas pa 'di la tshogs slob gnyis las tshogs bshad kyi nyams khrid snang gsum skabs bla ma brgyud pa'i rnam thar phal che ba/ brgyud pa'i khyad par gnyis ldan gyi sems bskyed slob ma rjes 'dzin/ yab rje rdo rje 'chang nyid ljags bsnyen kha gso zhag bdun dang / de ring slob mas bsags sbyang / skyabs sems yig brgya maNDal bcas thun bzhir bcad pa'i nyams bzhes dang / de nas dbang gi mngon par rtogs pa brgyad dang ldan pas rgyu dus rdul tshon gyi dkyil 'khor du dbang bskur ba mchod chas zab ma chog grwa dang bcas pa mdzad/ de nas rgyud gsum gyi nyams khrid sngon 'gro rnam gsum dang / bla ma'i rnal 'byor/ dngos gzhi lta khrid dbang bzhi so sor lam lta ba/ grub mtha' mda' kha ma/ bar do 'bras bu dang bcas/ mthar thug sku lnga mngon du gyur tshul bar mkhan chen ngag dbang chos grags kyi yig steng nas gsan cing / de skabs rnams su thos bsam gyi sgro 'dogs gcod pa dang / des mdzad pa'i snang gsum skabs chos byung tshul dang / lam gyi khog phub rnam bshad sogs dang / rgyud gsum skabs dam tshig rnam bshad/ bum dbang gi lam phyi nang bskyed rim skabs phyi dkyil rnam bshad gsang chen bstan pa'i 'od phreng nas dang / nang dkyil dbur rdo rje slob dpon gyi zab mo lus kyi dkyil 'khor du dbang bskur ba da lta lam dbang du grags pa bcas