[A:706]gsum rgyugs sprod rim mdzad kyis so sor tshogs dbu dang / khyad par dgung grangs dgu par phur sgrub zab ma'i tshogs dbu sngon lam bzhin thog mar phebs te/ phyag len sogs kun gyi yid kyi padmo dbang med du bzhad par mdzad pa dang / nyid nas 'byor ba'i grangs ldan gyi dgung grangs du son pa'i yab rje mchog dang / yum mchog rje nyid dang gcung po gsang ba'i bdag po dgung grangs thabs shes kyi grangs su phebs pa dang / rje btsun skal bzang chos sgron bcas sa mo lug gi lo gtso cher gong sa thams cad mkhyen par mjal phyag gis mtshon dbus phyogs gnas rten mjal bar chibs bsgyur tshul rnams gong yab rje bkra shis rin chen gyi rnam thar skabs bzhin dang dbus phebs chibs bgrod bde ldan gyis 'khor zin nas/ yab rje mchog nas kyai rdo rje'i bshad rgyud gur nas gsungs pa'i las rgyas pa'i lha gsum gyi nang tshan phyag na rdo rje 'byung po 'dul byed kyi rjes gnang dang / gur lha brgyad zhal bzhi bsnyen dus/ dur bdag pu tra'i zur bka'/ dkar bdud kyi rjes gnang sogs bstsal te/ 'byung po 'dul byed kyi bsnyen pa zla gcig lhag tsam dang bcu cha'i sbyin sreg bcas mdzad pa dang / de nas yab rje rdo rje 'chang nyid nas gzhi thog tshoms dmar du/ rje nyid dang / rje btsun a lce drung skal bzang chos sgron sogs sku ngo rnams dang / chos sde lho byang nang chen/ ri khud zur sbug lha 'bri ba/ bka' bzhi pa/ rta nag thub bstan pa/ chos lhun pa