[A:715]a lce lags zhes kun gyis cha 'jog byed pa de nyid dang / de skabs su phan gnod sna tshogs byed pa'i zhabs 'bring drag gras rnams dang bcas go sdur gyis dgongs rdzogs rnams sgrub par mdzad tshul sogs gong yab rje de nyid kyi rnam thar bzhin dang / gang cir da lta'i bar la gong 'phel 'gro ba 'di bzhin byung ngo / /de nas ljags bsnyen dus grangs mtshan bsnyen rnams mthar phyin te sku rim chen mo'i zor 'dzin dang / de nas mgon mdos ljags bsnyen kha gso'i skabs gzigs snang lta bur gzim khri'i 'khris der mi zhig nas nyid kyi mgul la 'chang ste/ mgul rgyan gcod par rtsom pa na sku rgyab nas lag pa nag po gri gug thogs pa zhig gis tho 'tsham byed pa'i mi de'i lag pa bcad song ba/ lag pa gri dang bcas pa gzim khri'i nang du lhung ba dum tsam nas yal ba mngon sum gzigs tshul bka' las dngos su thos pa ni 'di lo yab sras rnams la sku gegs shin tu che ba'i bar du gcod pa de nyid rdo rje nag po chen pos tshar bcad nas/ da bzod rtags mtshan mngon du gyur ram snyam/ de nas rta mgrin yang gsang dang gnod sbyin rtsi dmar mched bdun zung 'brel gyi bsnyen pa zhag bdun sngon 'gro'i bsam yas mdo sde mchod pa dang bstun dus mchod gnod sbyin chen po'i gtor bzlog zor 'phen sogs mdzad cing / de nas gdung rten gsar bzhengs gzungs 'bul rab gnas rje nyid nas zhag bdun/ hor zla drug pa'i nang du bdag chen kun dga' bsod nams nas rgyas par mdzad tshul/