[A:714]shing / rjes bzung lung bstan sogs gnang ba gzhir grub kyang / dmigs gsal 'di gsungs bka' bstsal ba ma thos shing / de lta'i gzigs snang ji lta ba'i snang brnyan da lta de nyid kyi gdung rten gyi bum sgo'i nang bzhugs pa 'di bzhin yin 'dug pa bcas shin tu ngo mtshar rmad du byung ba'i rnam par thar pa yin pa yang / spyir bsnyen sgrub dang / yang dgos dgongs pa rdzogs khar dngos mjal gnang ma thub kyang yab rje lhag pa'i lha dang dbyer med yin las gsol ba btab na nga dang 'du 'bral med par rjes su bzung ngo gsung rgyu yin 'dug pa ni kun gyis go nus/ de dus a lce drung rje btsun skal bzang chos sgron nyid dgung grangs bcu dgu dang / yab rje rdo rje 'chang nyid dgung grangs bcu drug pa dang / tshe lha dbang mo dgung lo bcu gsum/ padma dbang mo dgung lo dgu tsam/ gcung po gsang ba'i bdag po de nyid dgung grangs brgyad dang / yum ni de'i sngon du zhal ma bzhugs pa bcas/ 'jig rten phal skad ltar na byi phrug thang bskyur gyi rnam thar 'dra mo byung tshod 'dug kyang / legs par bshad pa rin po che'i gter las/ /dam pa re zhig rgud gyur kyang / /zla ba bzhin du yar ngo 'byung / /dman pa lan gcig rgud gyur na/ /mar me bzhin du mnal bar 'gyur/ /zhes gsungs pa ltar/ rje btsun skal bzang chos nam bla dwags su sgo spel a lce mar 'bod pa de nyid lugs gnyis gang la yang mkhyen yangs che ba zhig byung tshod 'dug pa de nyid zhal bzhugs dus su'ang