[A:732]bkra shis nas chos dung rin po che/ gsung gyen du 'bud pa stabs mtshungs dgos pa gong ma'i bla dung grags pa sogs/ tshogs mtha'i khri chen mdun thad sku phyag grub nas nub kyi sgo chung brgyud 'jam dbyangs sa paN gyi chos gsungs pa'i bzhugs khri 'khor lo gsum ldan nam/ mkhas pa zil gnon nam/ thang mo cher grags pa mtshan mchog gsum ldan gyi chos kyi khrir zhabs sor 'khod zin nas/ tshogs kyi chos spyod mtshams bzhag pa dang / yab rje rdo rje 'chang nyid nas thams cad mkhyen pa'i gsung rab dri ma med pa la phyag 'tshal lo/ /gsungs pa dang tshogs pa'i mdo klog pa shes snying bzlog pa bsngo smon mdor bsdus grub nas/ ban tshang pa rnams bzhugs khri'i mdun du dbu byed che bas bskul la tshogs pa dang bcas pas maNDal tshom bu so bdun ma dbu ches spos reng btsugs te 'bul tshig dang bstun tshom bu rnams so sor ngo sprad la/ gang gi mchod rdzas ma gdangs ma shin tu dal ba bcas tshar ba dang / yab rje rdo rje 'chang nas sems bskyed gsal 'debs par mdzad de/ chos gsan pa'i kun slong dang bstan bcos rtsom pa po'i sku che ba'i yon tan sogs jeng 'dren par mdzad de/ dpal ldan sa skya paNDi tas dbus gtsang khams gsum tshogs chos su gsungs pa'i bstan bcos chen po thub pa'i dgongs pa rab tu gsal ba'i dbu nas bzung ste/ sbyin pa'i phar phyin yan chad bstsal ba/ mtshams rnams su ja mchod dang ja rgyab gong stod/ zhabs brtan sogs chos sde dbu mdzad