[A:733]dang / bde gling dbu mdzad bcas tshogs dbus su bzhengs nas bskul ba rgyun bzhin de skabs ja 'bras sogs kyi thog rgyal khab chen po'i mi sna rtse drung ched mngags nas gong sa rgyal dbang thams cad mkhyen pa'i bka' yig phul ba yab rje mchog khri steng bzhengs nas gus 'dud dang bcas bzhes te/ bzhugs nas maNDal rten gsum 'gyogs dar nang mdzod/ de skabs sngon lam mchod sdong tshab tu dngul gyi 'khor lo rtsibs brgyad ma/ da lta gdung rten shar na yod pa 'di bzhin thog mar phul ba ni/ bdag cag gi ston pa la lha tshangs pas gser gyi 'khor lo rtsibs stong ldan pa phul nas chos 'khor bskor bar gsol ba btab pa lta bu/ rten 'brel ngo mtshar can dang / gzhan tshan grangs so bdun tsam gyis mtshon so sor gser dngul gos dar bzang gos kyis gtsos pa'i gnang skyes spam mtho ba dang / rgyal mtshan mthon po nas kyang maNDal rten gsum 'gyogs dar kha btags nyin bde ma tshan pa bcu gnyis tsam gyi so so'i thog gser dngul thum bzang ja sogs kyis gtsos pa'i khri 'bul sogs btab cing / de nas bka' chos 'phros stsol grub nas sgo chung shar brgyud gzhi thog tu phebs tshul gong bzhin/ nyin gnyis bar gzhi thog nas phebs tshul sogs mdzad sgo phal cher gong dang 'dra ba las yab rje mchog nas sems bskyed gsal 'debs nas tsam sku gsum ye shes kyi rnam bzhag yan bar skabs rnams su 'di ga sa gzhung bla brang khag mkhan phyag gnyer gsum/ chos sde lho byang las