[A:770]byung ba zhig yin/ dgun thog gzhi thog tu bzhugs skabs gter ston bsod rgyal phebs par/ yab rje rdo rje 'chang nyid mjal zhus kyis lung bstan 'ga' zhig phul yod 'dug pa dang / gzhung sa nas kyang bkur bzos che bar dgongs sam snyam/ 'di gar yang gtor bzlog sogs zhabs brtan 'ga' zhig kyang mdzad song la gang gi sgo nas yin min ni ma shes so/ /de yan gyi lo khams so so'i mdzad sgo rnams rags tsam sgro skur dang bral bar brjod zin nas zhib par rnam thar zin tho sogs gang yang med stabs brjod par rngo ma thogs shing / gong gsal de rnams dam pa'i yon tan drug gam dgur bsdus pa las/ de yang bsdus na/ bstan pa'i bya ba thos bsam sgom gsum dang / mkhas pa'i bya ba 'chad rtsod rtsom gsum du bsdus par gsungs pas/ dang por thos bsam ji ltar mdzad tshul ni/ dam pa rnams la dbang chos gsan tshul rnams zhib par bkod bzhin dang / de ltar gsan pa rnams kyang ming rkyang tsam du ma lus par bsam pas sgro 'dogs chod cing / bsgoms pas nyams su bzhes tshul sogs ni/ bdag cag rnams kyi yab rje rdo rje 'chang de nyid ni dus rgyun du sku gsung thugs rang bzhin drang por bzhugs pa las phyogs lhung dri ma can gyi chags sdang gi 'phros pa sogs gsungs pa ni sus kyang thos ma myong zhing / khyad par 'gro ba mgon med pa dang nyam thag pa rnams gzigs pa na lhag par thugs brtse bas ngos rnams khri steng bza' btung skyid pos 'tsho