[A:771]ba la 'di rnams snying rje bas ji ltar 'dod pa sbyin zhes yang yang gsungs shing / bstan pa bstan 'dzin dang bcas pa rnams la'ang dad gus lhag par mdzad tshul/ sa byi bod phyi dmag 'khrug skabs/ 'di ga gdan sa nas kyang spyi 'gre'i ser dmag grabs gshom gyis nye 'khor gyi grwa rigs rnams grwa chas bzhag phu lung ma gyon rgyal sgang mgron gnyer nas me mda' rgyag lugs sogs slob sbyong byed par gzigs pa na/ kye ma bstan pa'i gzhi ma dge 'dun gyi sde rnams 'di bzhin byed pa bstan pa nyams dman gsungs shing / mi bzod pa'i thugs khral chen po mdzad pa ngos rnams kyis kyang mthong zhing / kyai rdo rje phur pa rig byed ma/ mgon dkar gur mgon zhal bzhi rnams kyi bsnyen sgrub mthar phyin pa mdzad cing / rgyun gtan kyang ngag gi thugs dam nyams bzhes chag med dang / bla ma gong ma'i rnam thar chos 'byung/ rnam bshad sogs la gzigs rtog dang / lhag par sgrub mchod dbang lung khrid gsum sogs kyi bsam bya rnams la zhib gzigs kyis deng sang gi bla chen/ ma shes kyang shes tshul byed cing dris na yin lugs ci yang smra rgyu med pa rnams dang mi 'dra bar/ gsang sngags rnying ma rdo rje phur pa sogs bdag mdun tha mi thad dang / slar phye ste bdag 'jug len pa dang / gur rgyud drag dmar sogs bskyed tshig gcig nyid kyis bdag mdun bum gsum so sor gsal 'debs dgos pa dang / kyai rdo rje sogs la bdag bskyed mdun bskyed bsre lugs kyi mdun bsre dgos tshul rnams ma 'dres par