[A:778]dgongs rdzogs su sa gzhung dang sger bcas nas rdo rje phur pa'i sgrub mchod tshugs grol bsdoms nyin lnga/ bla mchod dus chen nyin ser 'du'i zhabs bskor mchod phreng 'gran bral bdun tshan bcas da lta bar dgongs rdzogs rnams 'di bzhin bcas kyis/ yab rje rdo rje 'chang ngag dbang 'jigs med rgyal dbang rdo rje kun snying bsam 'phel nor bu'i rnam thar mdo tsam bshad zin to/ /
3 gsang bdag dpal chen 'od po/
de nas de nyid kyi sku mched gcung po gsang bdag dpal chen 'od po ni/ yab rje theg chen bkra shis rin chen dgung grangs so lngar phebs pa/ yum mchog bsod nams dpal sgron bu khrid nyid kyi sras su sa pho rta yi lo hor zla bzhi pa'i tshes bcu gcig la ngo mtshar ba'i ltas du ma dang bcas gzhi thog pho brang du sku bltams/ yab rje mchog nas mtshan gsang bdag dpal chen 'od po bkra shis grags pa rgyal mtshan dpal bzang por gsol bar mdzad cing / don du yab rje padma bdud 'dul dbang phyug gang gi yang srid 'khrul med myur du 'byon par gdung shugs drag pos gsol 'debs chos srung rnams la bka' bsgo 'phrin bcol sogs nan tar mdzad pa las/ da bzod 'bras bu mngon du 'gyur ba gsungs pa'ang / yab rje theg dbang nyid nas mdzad pa'i gsol 'debs brtan bzhugs sogs las/