[A:779]yab rje gdod ma'i mgon po nyid kyis rnam mkhyen mi mngon pa'i dbyings gzigs zhes dang / gsang bdag yab rje padma'i thugs dam che sogs gsungs pa'i phyir ro/ /de nas nar son nas dpon slob grags pa rab rgyal nas 'bri klog phul bas tshegs med du mkhyen/ mngon byung 'ga' zhig kyang gsal bar gsungs/ yab rje rdo rje 'chang mangga'i mtshan can de nyid nas rdo rje phur pa dang / kyai rdo rje'i rdul tshon gyi dkyil 'khor du thog ma'i smin byed kyi dbang zab rgyas gnang zhing rgyud brtag pa gnyis pa/ kyai rdo rje/ phur pa/ gsang bde 'jigs byed/ bdag med ma rnams kyi rgyugs sprod gang gi yab rje mchog dang / chos byang las tshan rnams kyi sar mthar phyin par mdzad/ cho ga phyag len dbyangs rol gar 'cham rnams kyang dpyis phyin sbyong brdar mdzad de/ dgung grangs bdun par rgyud 'don zab ma dang / dgu par phur sgrub tshogs dbus gar 'cham sogs mdzad pas gdul bya rnams kyi yid 'phrog par mdzad cing / bar yab rje mchog la gang gi rigs sras gcung po 'di nyid rta nag sgrol ma sbug gi bla sprul sgrol ston 'jam dbyangs chos rgyal mtshan gyi yang srid du ngos 'dzin zhus bstsal byung ba ni/ brtag gnyis las/ 'chad pa po nga chos kyang nga / /rang gi tshogs ldan nyan pa nga / /'jig rten ston pa bsgrub bya nga / /'jig rten 'jig rten 'das pa nga / /zhes sogs gsungs pa ltar gong du yab rje padma'i mtshan can gyi skye srid dang / yang 'dir rta las babs te bong bu