[A:781]mangga'i mtshan can nyid kyi rnam thar bzhin dang / de nas dgung grangs bcu phrag gcig dang nyag ma bse ru'i steng du phebs pa/ rnam 'byung zhes pa sa pho 'brug gi lo gang gi gcen po rigs brgya'i khyab bdag ngag dbang 'jigs med dbang rgyal rdo rje kun snying bsam 'phel nor bu'i zhal snga nas/ 'phags bod kyi paN grub kun gyi thugs nyams su bzhes pas yan lag bdun ldan gyi go 'phang bde blag tu brnyes pa'i shul lam/ bod yul bstan pa'i mnga' bdag rje btsun sa skya pa yab sras rnams kyi gdams pa thun mong ma yin pa gsung ngag lam 'bras tshogs bshad thog mar gsung bar/ gsan pa po gcung po khu bo rin po che nyid dang / rje btsun padma dbang mo/ bdag cag yum mchog shes rab kyi pha rol phyin ma'am/ rgyal yum rdo rje bdag med ma'i ngo bor bzhugs pa bka' drin can de nyid bcas dang / chos sde lho byang / chos lhun pa rta nag thub bstan/ ri khud lha 'bri/ bka' bzhi ba sogs zhal grangs drug cu bskor la bstsal ba/ tshes nyin lo gyon ma'i rjes gnang sngon 'gro'i snang rgyud khrid yig mkhan chen ngag dbang chos grags yig cha'i thog nas dang / snang gsum grol nas brgyud pa'i khyad par nyis ldan gyi sems bskyed chen mo/ de nas gcen po mchog nas bsnyen pa zhag bdun de'i slob ma'i bsags sbyangs/ de nas rdul tshon gyi dkyil 'khor du rgyu dbang zab/ de'i sang nas rgyud gsum tshul sngon 'gro rnams dang / lta khrid/ phyi nang bskyed rim lam dbang / bdag med ma'i byin rlabs