[A:780]la bzhon pa'i dpe bzhin sgrol phug bla ma'i yang srid sogs ngos 'dzin gnang ba 'gal bar mi sems te/ sangs rgyas rnams ni dbang bcu dang sprul bsgyur la mnga' brnyes pa'i phyir/ 'jig rten khams la lar sangs rgyas pa dang / 'ga' zhig tu chos 'khor bskor ba dang / la lar bltams pa la sogs pa dus gcig tu mdzad pa yin te/ yang dag sbyor ba'i rgyud las/ gar mkhan dag tu ri mo bzang ltar snang / /gang du sprul pa zhes kyi sangs rgyas nyid/ /gcig pu nyid ni du ma gar mdzad do/ /zhes gsungs pa ltar ro/ /de nas dgon pa rtsis bzhes khri ston sogs yab sras lhan du phebs te/ dge sding nas dmigs ko sa nas rta nag sgrol mgon du phebs te/ rigs sras dam pa gsang bdag dpal chen 'od po nyid gsang chen rnying ma ba'i ring lugs sgrol ston 'jam dbyangs chos kyi rgyal mtshan sogs kyi chos khrir mnga' gsol bar mdzad nas/ dgon gyi rten gsum dang / mchod gzhis 'o rlon grwa rigs sbyin bdag dang bcas pa mi nyams gong 'phel dgos rgyu'i bka' gdams dang / skyabs mchog nyid kyang gdan sa lte ba bzhugs te/ chos dus dbang 'chad nyan rnams la yar mar phebs rgyu sogs bka' bkod mthar phyin par gnang nas/ yab sras rnams gdan sar phebs cing rje nyid dgung lo brgyad du phebs bar/ shing glang zla ba bcu par yab mangga'i mtshan can nyid gdul bya rnams kyi bsod nams dus gcig tu zad de/ gzhan don dgongs pa gtad tshul gong