[A:825]ma sogs/ gzhan yang chab shog sogs kyi skor/ gsung 'bum pod gnyis tsam long nges bcas kyis mkhas tshul dgur bshad pa ltar na mkhas pa'i yon tan dang / gnyis pa btsun pa'i yon tan ni/ lhag pa tshul khims kyi bslab pa rin po che mig 'bras ltar bsrung sdom tshul bzhin mdzad par gang bzhugs rnams dang na bza' rnams la dri bzang gis khyab pa dang / byang chub sems dpa'i sdom pa'ang sku tshe du mar goms pa'i shugs kyis/ byams snying rje byang chub kyi sems lhag par sbyangs shing / rig pa 'dzin pa'i sdom pa ni snang grag rig gsum thams cad lha sngags ye shes kyi rol par 'char ba sogs kyang skyes sbyang gi shes rab las rang bzhin du grub pa bcas dang / gsum pa bzang po'i yon tan ni de ltar lam dus su rtag pa dang / sbyor ba la brtson pas lung dang rtogs pa'i ye shes la dbang bsgyur ba rnams/ gong gi gseb tshags rnams su'ang cung zad song zhing / gzhan yang nang gso mgon khang du bstan rim zhabs brtan zhig snang skabs gtor rlangs las khrag rgyun nar nar zag pa dang / ka la la phyi mgon du phebs skabs/ de'i gzhi bdag gis bsu ba gzigs pa dang / phyogs der gu ru rin po che'i gser zangs kyi rdo rje 'chang gi snang brnyan che legs dang / lam 'bras bla brgyud 'jim grub sogs rten bzhengs mang mdzad la rab gnas rgyas pa'i chos skyong bsgo ba'i skabs/ gur zhal la gnyer gtad mdzad pas de sngon bya rog med kyang / de skabs bya nag khyu chen po 'khor ba nas bzung bya