[A:826]nag nam rgyun kyang sdod pa byung / jo mo lha ri ma'i rten mdos de nyid rang gi phyag bzo'i sku brnyan bcas 'dzugs skabs kyang jo mo gzigs snang du byung tshul sogs/ mang du gnang ba rnams kyis mtshon pas shes par bya zhing / gzhan pa'i mngon shes grub rtags sogs ni the'u rang grub pa las kyang byung bar gsungs pa yod pas de tsam gyis chog cing / mthar gzugs sku chos dbyings su bsdus pa'i tshul ni/ sa 'brug lor gtsang sar sprul sku sogs la bka' chos du ma gnang skabs ngos rang gi rmi lam du sgrol steng gi gser 'phru/ rgyal mtshan/ dar lcog thog kha nas dus gcig du lhung ba sogs yang yang rmis pa/ gtsang sar sprul sku la lan bskul gyis zhabs rim rgya cher 'bad 'bungs mdzad na ma gtogs brtag dpyad yag po med 'dug zhus par/ brtag pa bgyid dgos gsungs pa'ang sku gegs che bas rgyab rim mang phebs zhus pa yin yang / tshe sgrub bla bslu/ phur bzlog sri gnon sogs 'ga' zhig gnang ba dang / bla sman pa yang sdod mus bcas yin yang bstan gegs bzlog med kyis/ de sngon nas kyang snyun gzhi lci ba'i khar 'phral du bka' chos sogs kyis 'khrul rkyen rnam pas je zhan je sdug gis bka' chos kyang bshol te/ nyin shas gzim sbug tu thugs dam sogs la brtson par bzhugs te/ nyid kyi dgung grangs zhe bzhir phebs pa chu stod tshes nyer gnyis nyi dros khar nyi zla'i rlung nghu tir bsdus te rnam kun mchog ldan gyi stong pa nyid dang / mchog tu mi 'gyur ba'i bde ba