[A:830]6 kun dga' grags pa blo gros/
de nas de nyid kyi gcung po gdung sras kun dga' grags pa blo gros ni/ yab rje rdo rje 'chang dgung grangs so dgur phebs pa kun 'dzin gyi lo cho 'phrul zla ba'i dmar phyogs mkha' 'gro 'du ba'i dus nyi shu lnga la bltams shing / yab rje rdo rje 'chang nas 'khrungs bsangs rgyas pa ngag dbang kun dga' grags pa blo gros su mtshan gsol bar mdzad/ brtan bzhugs bcas bstsal te/ bcom ldan 'das kyai rdo rje'i dkyil 'khor du smin byed bstsal/ dpon slob 'bri klog sogs nas rim bzhin yab mes gong ma'i phyag srol/ rtsa rgyud brtag gnyis sogs rim gnang gis rgyun 'don phur sgrub sogs la phebs shing / bar skabs ma yum mchog dang lhan gcig lha ldan phyogs la phebs te/ lo gcig lhag tsam bzhugs/ slar gdan sar phebs te/ bka' 'brel ngos rang lam 'bras 'chad pa thengs drug pa'i skabs gdung sras gcung po nyid dang chos sde lho byang / khams pa grwa rgyun bzhi bcu skor la sgrol phor dpal rnal 'byor gyi dbang phyug chen po birWa pa dang / rje btsun sa skya pa yab sras rnams kyi thun mong ma yin pa'i gdams pa bsod nams dang mi ldan pa rnams kyi rtogs dka' ba/ mdo rgyud bstan bcos thams cad kyi yang snying gsung ngag rin po che snang rgyud khrid yig mkhan chen ngag chos kyis mdzad pa'i gzhung dang / rgyas