[A:831]bshad dgos pa rnams kyang de nyid kyis mdzad pa'i chos 'byung dang / lam rim gyi khog phub/ dam tshig phyi nang bskyed rim rnam bshad sogs kyi sgro 'dogs bcad de btang zhing sems bskyed chen mo/ rgyud lam gyi dbang / bdag med ma'i byin rlabs/ snang gsum skabs 'jam mgon a mes zhabs yan gyi rnam thar dang / gsung ngag chos 'byung legs bshad 'dus pa'i rgya mtsho rnams kyi lung phul ba dang / gzhan yang sgrub thabs brgya rtsa'i khrod nas nye mkho'i rigs rnams dang / jo lugs sgrol ma nyer gcig gi rjes gnang / rnam sras rigs can bco lnga byung ma song zhing / de byings dbang rjes gnang lung dang bcas pa gcen po 'jam dbyangs thub bstan bzang por phul ba ji bzhin byung song / de skabs bzhugs gnas zhabs lhor yod pa/ de nas rim bzhin/ dges rdor gzhi bsnyen bsnyen song rgyugs sprod rigs dang / phur sgrub gsung bshad las rim rnams dang bcas pa gsung ngag cung mi bde tsam snang yang las 'phral chos 'phral phyag len rnams zhal 'don bcas thogs med gnang song zhing / 'di gar zab gsol slob dpon kyang lo mang du gnang / gur zhal sogs dbang lung rnams gcen po dang lhan cig gsan nam snyam pa bcas/ de nas ma yum bka' bzhin khams phyogs la phebs rgyur kong po ngos nas rgya dmag gi zar zir gyis phebs ma thub par/ dbyar thog byang ngos nag chu tsho lnga sogs kyi 'gro don re skong rnams grub nas/ ston mtshams lha ldan du phebs thog bstan