[A:832]gling du bzhugs/ de skabs bar rta ngos su mi rnams dar shi kho na dang / shi 'phos nas gshin 'drer skyes te/ mi nor phyugs bcas la gnod 'tshab che ba gnod rkyen ci yin sogs brtag zhus la/ do nub rmi brtag bgyis te sang nyin lan gsal yong lugs gsungs pa bzhin/ de nub mnal ltas su grwa gzugs zhig gi mjug tu mi skya shar 'brog lcang lo mtheb sprad btums te mgo la dkris byung ba rnams phyag dang bcas/ bdag cag rnams 'di nas byang shar mtshams ri snying 'dra ba'i ngos la gnas pa/ de nas mtsho zhig kyang mthong tshul brjod pa bzhin ban tshang pa rnams la gsungs te/ blta bar phyin pas ji gsung bzhin ri dang mtsho sogs 'dug tshul zhus pa bzhin brtag lan bstsal te/ sbyin sreg sogs mdzad pas/ de nas bzung mi shi sogs rgyun chad pa'i ngo mtshar yang byung 'dug cing / rgyun gtan rnal lam sogs gnod sbyin rtsi dmar ba 'di chas sogs zab tu byung nas sleb byung gsungs na lam 'gro yong ba dang / re 'gar dor kyang mar sleb na cung lam mi 'gro ba sogs yong tshul zhabs 'bring pa rnams nas brjod pa sogs mang dag yod tshod 'dug de nas lha gdan nas rong sogs brgyud 'dir phebs kyis sis rim sogs kyi 'phros dang phur sgrub dang dus mdos kyi slob dpon snga phyir tshar kha shas mdzad do/ /gzhan yang ngos dang / gcen po 'jam dbyangs thub bstan bzang po/ gu Na sprul sku/ la mar dpon slob bstan pa rin chen/ bde gling dbu mdzad/ dharma lakShi sogs