[A:851]bzang spyod/ bde smon/ byams smon rin bskor ba bcas chag med bgyis bzhin pa rnams kyi byin rlabs lta bu yin nam/ da phan ni ngos rang yang ring du 'tsho zhing nad na tsha sogs med pa dang/ gang byed rnams kyang lam 'gro yag mo byung ba sogs kun gyis mthong chos dang/ mdor na thos bsam sgom gsum mam/ 'chad rtsod rtsom gsum mam/ mkhas btsun bzang gsum mam/ 'khor lo gsum la sogs pa gang zer yang ngos rang gi bya byed lam tsam de bzhin yin cing / gzhan yang sngon gyi dge bshes bka' gdams pa rnams kyi gsung rgyun du/ rkang rjes dang lag rjes kyi grub rtags med/ sku rjes kyi sngo lo 'phyar ma myong gsungs pa bzhin yod 'dug bla ma gong ma rnams kyi zhabs la thi'u ma btags shing sngo lo ma phyar tsam zhig gi re 'dun yod pa tshang mas shes tshor bcas kyi/ ngos rang da lta rang lo bcu phrag drug dang/ nyag ma thabs shes kyi grangs kyi grangs ldan du slebs pa phan gyi byung tshul mdor bsdus rags tsam cung zad brjod pa yin/
ngos rang rnams kyi mched zla sring mo rje btsun padma 'phrin las ni dpon slob blo gter dbang po sogs kyis rjes su bzung bas dbang lung sogs gsan rgya dga' rab yod kyang/ da lta 'chad spel sogs ni mi mdzad par btang snyoms su bzhugs pa 'di nyid dang/ rje btsun dngos grub dbang mo bcas ngos rang sku mched drug dang/ ngos rang dang bdag yum 'chi med kun dga' sgrol ma'i gdung sras ngag dbang kun dga' rin chen bkra shis