[A:852]grags pa rgyal mtshan dpal bzang po dang/ gcung po ngag dbang kun dga' bstan pa'i rgyal mtshan dpal bzang po mched zla rje btsun rnams dang/ zhang rje bon grong pa'i bdag mo bcas tshang ma da lta 'tsho zhing bsdad pa ngos rang rnams rigs rgyud mang du 'phel nas/ gdan sa chen po 'di nyid kyi gdung brgyud rnams 'khor ba ma stong bar du gnas par gyur cig de rnams kyi sgrol ma pho brang ngam/ phun tshogs dpal 'bar bla brang gi gsung rab byon tshul bshad zin to/ /
'dir smras pa/ phun tshogs 'chi med yid du 'ong ba'i tshal/ /ngo mtshar dpal 'bar bsti gnas nyams dga' ba/ /g.yu lo bkod pa'i zhing mtshungs dpal yon can/ /'di la sgrol ma pho brang grags min nam/ /zhes pa'ang bar skabs kyi tshigs su bcad pa'o/ /de rnams kyis 'jam mgon a mes zhabs kyis mdzad pa'i dpal sa skya'i gdung rabs byon tshul la/ 'od gsal lha yi gdung rabs bshad pa/ dri med 'khon gyi gdung rabs bshad pa/ lha rigs 'khon sa skya pa'i gdung rabs bshad pa/ de las gyes pa'i bla brang rnam bzhi'i gdung rabs bshad pa/ skabs su bab pa'i don bshad pa ste sa bcad lngar mdzad pa'i nang nas/ bzhi pa de las gyes pa'i bla brang rnam bzhi'i gdung rabs rnams las/ gzhan gsum gyi gdung rabs snga dus nas rdzogs shing / phyi ma dus mchod bla brang gi gdung rabs gras rtse gdong gdung rabs phyis byon rnams dang/ 'di