[A:858]bang mdzod dgos 'dod kun 'byung zhes bya ba sku phreng du mar/ 'phags bod kyi mkhas grub du mar bsam bzhin du skye ba bzhes te/ rgyal ba'i bstan pa rin po che ches cher gsal bar mdzad cing/ sku tshe 'di nyid du'ang shes bya rig pa'i gnas lnga sogs la blo gros kyi 'jug pa ches mtho bas rgyal gsung mdo rgyud rab 'byams rang dbang du 'grel nus pa/ dpal sa skya pa chen po 'jam mgon a mes zhabs ngag dbang kun dga' bsod nams bkra shis grags pa rgyal mtshan dpal bzang pos mdzad pa/ de'i zhal skong phyis byon rtse gdong gdung brgyud dang/ gcung po mthu stobs dbang phyug yan gyi gdan sa chen po 'di nyid kyi gdung rabs rnam thar lo rgyus ngo mtshar rin chen 'dzad med srid zhi'i yon tan lhun grub ces bya ba/ skye rabs gong ma rnams su rgya bod rdo rje 'dzin pa'i gtsug rgyan du mar 'khrungs pas/ mkhyen brtse nus gsum sogs kyi yon tan gzhal du med pa la dbang 'byor ba/ dpal sa skya pa chen po 'jam mgon ngag dbang kun dga' blo gros sangs rgyas bstan pa'i rgyal mtshan dpal bzang pos mdzad pa bcas kyi zhal skong gdung rabs rin chen kun 'phel srid zhi'i dpal 'byor lhun grub zhes bya ba yongs su rdzogs par bstan zin to/ /