[A:860]g.yag rong go shaka gsum gzhon bla ma sogs/ /mtshungs med 'gran bral mkhas dang grub pa'i tshogs/ /ji snyed byon la phyag gis ba gam brtsegs/ /kun bzang mchod sprin lta bus rab mchod cing / /skye 'phags dge ba kun la rjes yi rang/ /chos kyi 'khor lo skor bzhin rtag bzhugs gsol/ /nongs kun mkha' mnyam sdig dang lhan cig bshags/ /'di ltar bgyis pa'i legs byas rnam dkar tshogs/ /ji snyed mchis rnams 'khor gsum yongs dag pas/ /mkha' mnyam 'gro kun dge dang lhan cig par/ /bstan 'gror phan dang bde ba'i rgyu ru bsngo/ /rgyal ba nyi ma'i gnyen gyi bstan pa mchog /spyi dang 'jam dbyangs bdun brgyud bzhed srol kun/ /mi nyams rab tu yun ring gnas pa dang / /phyogs brgyar dar zhing rgyas pa'i rgyur gyur cig /mtshungs med bstan pa 'dzin pa'i skyes chen rnams/ /bskal brgyar zhabs brtan mdzad pa 'phrin las rnams/ /