[A:861]thugs kyi dgongs pa ji bzhin lhun grub ste/ /'gro ba kun gyi dpal du 'gyur bar shog /yangs pa'i rgyal khams kun tu lo phyugs 'phel/ /nad mug 'khrug rtsod ming yang mi grags shing / /chos ldan rgyal po'i bzhed srol rma med pas/ /'gro kun bde skyid dpal la spyod par shog /bdag kyang yun ring tshe dang ldan gyur te/ /chos mthun dpal dang 'byor pas yongs 'tsho zhiing/ /lung rtogs yon tan yar ngo'i zla ba bzhin/ /'phel zhing rgyas te bsam don kun 'grub shog /nam zhig 'dir gnas snang ba nub pa'i tshe/ /sdug bsngal 'tsho ba mtha' dag yongs spangs nas/ /bde ba can gyi dkyil 'khor nyams dga' der/ /thogs med skad cig yud kyis bgrod par shog /mdor na mchog gsum bla ma'i byin rlabs dang / /yi dam chos srung nor lha'i mthu rtsal dang / /rgyu 'bras bslu ba med pa'i bden stobs kyis/ /