[B:5b]bzhengs/ /de nas brgyad cu 'das pa yi/ lcags mo phag la 'u shang rdo/ /de nas bcu gnyis 'das pa yi/ /chu mo phag la glang dar mas/ /chos bsnubs lo gsum me stag la/ /sdig rgyal de yang pha rol bsgral/ /chu phag de nas re bdun par/ /bod du dam chos sgron me nub zer bar gyur/ dmar g.yo gtsang dang bla chen gyis/ /khams su mar me cung zad gsos/ /dbus gtsang mi bcu la sogs kyis/ /blangs nas lcags pho rta lo la/ /slar yang dbus su sgron me byon/ /de nas zhe gsum 'das pa'i lo/ /chu mo glang la jo bo rje/ /mnga' ris phebs nas dag par mdzad/ /de nas brgya dang go gsum pa/ /me stag kha che paN chen gyis/ phebs nas sa paN bsnyen rdzogs mdzad/ /jo bo phebs pa'i chu glang nas/ /nyi shu rtsa gcig 'das pa yis/ /shing pho khyi la sa skya pa/ /dkon mchog rgyal po mi yul byon/ /de yis bzhi bcu bzhes pa yi/ /chu mo glang gi lo mchog la/ /bod kyi ma ga dha chen po/ /dpal ldan sa skya legs par btab/ /de tshe rgyal ba'i bstan pa ni/ /lo grangs nyi stong lnga bcus chad/ /'das pa dus 'khor lugs yin la/ /bod du snga dar bzhi brgya dang / /so lnga byung zhing phyi dar la/ /brgya dang bdun cu de tshe
[A:11]'das/ /sa skya btab nas brgya dang bcu/ /chu pho stag la paN chen 'khrungs/ /man chad snga ma ji bzhin te/ /des na sa skya btab pa nas/ /da lta'i me mo phag 'di'i bar/ /lo grangs sum brgya go bzhi song / /gzhan gyis gzhan du bshad pa rnams/ /rigs pas brtags na 'thad pa med/ /blo ldan rnams kyis 'di nyid blang / /mdor na