[B:5b]བཞེངས། །དེ་ནས་བརྒྱད་ཅུ་འདས་པ་ཡི། ལྕགས་མོ་ཕག་ལ་འུ་ཤང་རྡོ། །དེ་ནས་བཅུ་གཉིས་འདས་པ་ཡི། །ཆུ་མོ་ཕག་ལ་གླང་དར་མས། །ཆོས་བསྣུབས་ལོ་གསུམ་མེ་སྟག་ལ། །སྡིག་རྒྱལ་དེ་ཡང་ཕ་རོལ་བསྒྲལ། །ཆུ་ཕག་དེ་ནས་རེ་བདུན་པར། །བོད་དུ་དམ་ཆོས་སྒྲོན་མེ་ནུབ་ཟེར་བར་གྱུར། དམར་གཡོ་གཙང་དང་བླ་ཆེན་གྱིས། །ཁམས་སུ་མར་མེ་ཅུང་ཟད་གསོས། །དབུས་གཙང་མི་བཅུ་ལ་སོགས་ཀྱིས། །བླངས་ནས་ལྕགས་ཕོ་རྟ་ལོ་ལ། །སླར་ཡང་དབུས་སུ་སྒྲོན་མེ་བྱོན། །དེ་ནས་ཞེ་གསུམ་འདས་པའི་ལོ། །ཆུ་མོ་གླང་ལ་ཇོ་བོ་རྗེ། །མངའ་རིས་ཕེབས་ནས་དག་པར་མཛད། །དེ་ནས་བརྒྱ་དང་གོ་གསུམ་པ། །མེ་སྟག་ཁ་ཆེ་པཎ་ཆེན་གྱིས། ཕེབས་ནས་ས་པཎ་བསྙེན་རྫོགས་མཛད། །ཇོ་བོ་ཕེབས་པའི་ཆུ་གླང་ནས། །ཉི་ཤུ་རྩ་གཅིག་འདས་པ་ཡིས། །ཤིང་ཕོ་ཁྱི་ལ་ས་སྐྱ་པ། །དཀོན་མཆོག་རྒྱལ་པོ་མི་ཡུལ་བྱོན། །དེ་ཡིས་བཞི་བཅུ་བཞེས་པ་ཡི། །ཆུ་མོ་གླང་གི་ལོ་མཆོག་ལ། །བོད་ཀྱི་མ་ག་དྷ་ཆེན་པོ། །དཔལ་ལྡན་ས་སྐྱ་ལེགས་པར་བཏབ། །དེ་ཚེ་རྒྱལ་བའི་བསྟན་པ་ནི། །ལོ་གྲངས་ཉི་སྟོང་ལྔ་བཅུས་ཆད། །འདས་པ་དུས་འཁོར་ལུགས་ཡིན་ལ། །བོད་དུ་སྔ་དར་བཞི་བརྒྱ་དང་། །སོ་ལྔ་བྱུང་ཞིང་ཕྱི་དར་ལ། །བརྒྱ་དང་བདུན་ཅུ་དེ་ཚེ་
[A:11]འདས། །ས་སྐྱ་བཏབ་ནས་བརྒྱ་དང་བཅུ། །ཆུ་ཕོ་སྟག་ལ་པཎ་ཆེན་འཁྲུངས། །མན་ཆད་སྔ་མ་ཇི་བཞིན་ཏེ། །དེས་ན་ས་སྐྱ་བཏབ་པ་ནས། །ད་ལྟའི་མེ་མོ་ཕག་འདིའི་བར། །ལོ་གྲངས་སུམ་བརྒྱ་གོ་བཞི་སོང་། །གཞན་གྱིས་གཞན་དུ་བཤད་པ་རྣམས། །རིགས་པས་བརྟགས་ན་འཐད་པ་མེད། །བློ་ལྡན་རྣམས་ཀྱིས་འདི་ཉིད་བླང་། །མདོར་ན་