[A:238]'phel 'grib med pa'i snying las 'dzag pa yi/ /chos dkar bdud rtsi'i snye ma sa gzhi la/ /smin phyir yid ni gnyis pa'i zla med par/ /songs shig dge ba'i 'bigs byed rlung gis der/ /srid zhir gnas pa'i yon tan dri bzang tshogs/ /rdzogs pa'i dpal gyi phreng ba rab ring bas/ /sa gsum snyan par gzhal ba'i lung bstan bzhin/ /zhing mchog kun gyi snying po 'dus pa'i ro/ /lhag par myangs pa'i sa gzhi zla shel las/ /dkar ba'i sa skyar 'gro mang byang chub pa'i/ /chos kyi sbyin pa lugs brgya ldan mdzad tshe/ /khyod grags 'dzam gling rje bo
se chen
go dan gyi/ /thos pa'i 'khor lo sems la bsgyur ba'i mod/ /sdig pa'i dngos po thams cad thag bsrings pa'i/ /bsod nams las la sbyor ba dran pas rig /g.yar 'dren don du nye dbang las kha can/ /mi chen dor rta mngags gyur de la yang / /'khor gyi grangs ni dpag tu med pa yis/ /bod yul brjid pa'i mi yi g.yur za ba/ /gser gyi srab kha glod pa rta pa'i tshogs/ /rtsal shugs drag por che bas 'thor ba'i rdul/ /nam mkha'i gtsug tor snyeg la song ba'i rjes/ /rmig rtse'i ri mo sa la 'god min byung / /mi yi yul na gtam tsam nyid kyang ci/ /lho phyogs rgod ma kha las skye ba dkon/ /mthor thos bgrang bar yas 'di chu gter las/ /gsar du lhun po gzhan pas bsrubs skyes snyam rab rtog gi rgyan
/ /mtha' dag skye bo the tshom khyog nyid du/ /g.yo dang 'jigs su rung ba'i mi srun sbrul/ /dad pa'i gdengs ka las skyes snang ba mchog /gsal ba'i sarba mu tig can du mkhyen/ /'dzam bu nA da'i yi ge gtsang ma'i 'phrin/ /snang ba nyin mor byed pa'i las kyi shugs/ /'gog pa med pa'i rgyal po de yi lung / /che ba gnyis dang ldan pa'i sgra bsgrags pa/ /tshe ring gnam gyi she mong btsan pos lha chen
dbang phyug gi yon tan phra ba dang / yang ba dang / go 'phang che ba dang / 'dod dgur byed pa dang / mchod par 'os pa dang / bya ba la dbang ba dang /