[A:239] las la mi dbang ba dang / 'dod pa sbyin par byed pa ste/
brgyad phrogs shing tshangs pa chen po'i byed pa 'chang ba/ /bsod nams chen po'i dpal las skyes stobs kyi 'khor lo nam mkhar 'phags pa'i rjes su gling bzhi ri rab 'brengs pa'i rgyal po nged kyi lung / mtshan bzang po sum cu rtsa gnyis dang dpe byad brgyad cu'i yan lag yongs su rdzogs pa'i sangs rgyas gnyis pa ltar ram/ /rnam pa thams cad mkhyen pa'i ye shes kyi sku 'jam pa'i dbyangs dngos smra ba'i mkhas pa sgyu 'phrul chen po 'chang ba sa skya paNDi ta kun dga' rgyal mtshan dpal bzang po la 'di lta ste/ ma gyur rigs drug gi 'khor los bsdus pa'i 'gro ba la gnam sa'i drin lan 'dab par/ dge sdig gi lam gyi rnam par dbye ba shes la/ 'jig rten dang 'jig rten las 'das pa'i dngos grub kyi khang bzang du 'dren par nus pa'i bla ma zhig dgos byung ba brtag pa byas dus/ legs byas kyi me tog phog pa'i lha'i bgos skal bzang po khyod du 'dug pa/ sems 'dren ma ma yin pa'i rtse gcig pas g.yar 'dren na 'byon pa ci gnang / yang nyer len gyi phung po srid pa'i chos nyid can du rgas par bsnyad na/ sngon lha mi'i ston pa shAkya thub pas sems can gyi don la gdung ba med par lus grangs med du sbyin par btang ba ci tsam/ de'i chos rnams mngon sum rtogs pa'i dam bca' dang e 'gal/ ngas rnam par rgyal ba chen po'i ru mtshon blangs nas/ dpung gi sbyor ba drag po bshams na skye 'gro mang po mnar bar mi 'gyur ram/ bla na med pa'i ye shes kyi mthu thob la/ phrin las kyi ting nge 'dzin thogs pa med pa/ kun la byams pa dang thugs rje'i 'od zer rnam par snang mdzad bye brag med par khyab pa'i don gyis na/ sa le bar khri phrag du ma'i lam gyi ngal ba spangs/ jin gir hor gyi rgyal po'i rigs kyi mos pa phyir mi gzhol ba'i slad/ mkha' las rin po che'i char brtsams bzhin