[A:169]nas/ /nyi zla
gnyis phyogs lhung gi
rtsod pa med pa'i bgyi ba dal bur 'khor ba bzhin no
/ /gzhan la phan pa 'dod pa'i mu tig gi /'khri shing dpyid kyi
dus su mngon par mtho ba dang / /nges par legs pa'i cho ga bstar ma thag tu
/ /lang tsho ma rnams nga rgyal gyi
sdig pa
las bsgral te dud pa'i sems dang ldan par gyur to
/ /me tog
tsam pa ka 'dab rlung gis rnam par
bskyod pa'i/ /rdul mang po
kha ba rab tu 'bar 'dra ba
'i char gyis
/ /gos pa'i gnyis kyi
skyes rnams ni 'phur 'dod kyi
lus/ /lci ba'i gshog rlabs sprugs pa'i sgra dag la/ /ri dwags gzhon nu ma rnams skrag pa'i mig /g.yo ba'i zer ma nags kyi rgyan nyid du/ /skad cig mtha' can mdzes par 'god bzhin du/ /'jig med seng ge'i bsam pa gang la yang 'jigs pa med cing tshul de lta bu
bzhad gad kyi
gnas su rgyug /tsU'u ta'i shing gis thabs shes
zung du 'jug pa yi/ /mi phyed pa'i
phyag rgya mchog gis bslab pa la/ /yongs su 'dris pa
dang de bzhin mkhas para byas pa
las/ /byung ba'i rig pas bde ba chen po za ba ste longs spyod pa'o
/ /rgya chen grags pa dkar dang bsngags 'os lhan cig skyes pa'i snying rje la/ /dga' ba bcu drug rdzogs pa'i ri bong can ltar nyams su bde ba'i dung / /chung ngu y-is kyang 'khor ba'i chu srin 'jigs pa'i dgra bo
bcom pa'i rgyal thabs
brten pa can/ /bkra shis gter gyis 'gro rnams bsrung ba
la legs pa'i sgra yi 'byung gnas so/ /'jam dbyangs mi'i srid pa 'dzin pa sa skya paNDi ta kun dga' rgyal mtshan dpal bzang po'i rtogs pa brjod pa bskal pa bzang po'i legs lam las/ lhums zhugs dang bltams pa'i sarga de gnyis pa'o// //gzhon nur gyur kyang byang chub
sems dpa' chen po yi/ /ngo mtshar gyi
spyod pas mdzes pa rang dang
lhan cig tu
skyes pa'i
mthu'i/ /grags pa dkar po ring du 'phro ba de
phyogs kyi dpal mo'i
rna rgyan du bkod pa
dang / /mtshungs par yon tan thams cad gsal bar byed pa
dam pa'i me long 'dzin/ /gzhan don la 'jug pa'i
snying stobs shin tu
yangs pa'i rgya mtsho che las legs par skyes pa'i bu/ /rang bzhin gyis dkar zhing