[A:226]pa sa skya paNDi ta kun dga' rgyal mtshan dpal bzang po'i rtogs pa brjod pa bskal pa bzang po'i legs lam las/ /bstan bcos ji ltar mdzad pa dang rgya gar gyi chos bod skad du bsgyur ba'i sarga ste bdun pa'o// //thun mong mchog ces gnyis su ma yin dngos po'i ngo bo 'dir gcig tu/ /yang dag yon tan rgya cher rno bas nam mkha'i pha mtha' brtol ba las/ /grub pa'i 'khor lo 'dod dgur bsgyur bas bdud tshogs yul dang bcas bcom pa/ /bla na med pa'i ye shes sgyu ma chen po'i gar gyis sa gsum srungs/ /dngos dang dngos min rnam pa thams cad par/ /spyod pa dam pas brgyan pa'i tsandan gyi/ /rang bzhin kun nas bzang po'i pha rol du/ /'gro ba'i mthu la bsam gyis gar khyab nus/ /
'on kyang mdo tsam brjod na
srid pa'i 'jigs pa 'joms la mkhas pa dang / /sku dang / gsung dang / thugs dang / rdzu 'phrul dang / 'dod dgu 'byung ba dang / dgos dgu 'grub pa dang / kun tu son pa dang / bdag po'i dbang phyug ste/
dbang phyug yon tan brgyad kyi 'byor pa'i gtso/ /dus gsum yong ye mkhyen pa chos kyi rje sa skya paNDi ta de
/ /bco brgyad lo la bab pa'i dus nyid na/ /gti mug myu gu'i skye sa med pa la/ /'od gsal mtshan ldan gzhal yas khang blang ba/ /nang du rnam pa thams cad mkhyen gnas pa'i/ /gzigs pas nye bar 'tsho ba'i mnal lam du/ /a phyi'i mchod rten chen po ga la bar/ /rig tshul nor bu 'bar ba'i do shal phreng / /yid 'ongs mgur na spa ba'i 'dzam gling rgyan/ /drug pa las ni slob dpon dbyig gi gnyen/ /shes bya dag pa'i dgung mkha' rab gsal bzhin/ /sngo bsangs lang tsho dar la bab yol tsam/ /tshul khrims gter gyi rtags can ngur smrig gi /rgyal mtshan gur gum dri ru 'phyar ba zhig /mchu sgros dmar gsal bye ru'i yal 'dab la/ /'dzum dkar mu tig 'bras bur mdzes 'od kyis/ /phyogs kun yongs su rdzogs pa'i zhal lung las/ /don dam pa'i
chos mngon dri med