[A:227]shes rab
de nyid thob byed kyi brda btags pa'i chos mngon pa
mdzod gsungs pa/ /rmi lam thun gcig la yang bgrang bya ste zla ba
'i yun tsam du
/ /thos pa 'dzin pas 'thungs pa'i don de nyid/ /mngon sum skal bzang ras dkar ngos yangs la/ /mi brjed dran pa'i ri mo smin par bris/ /yang mnal lam du nub phyogs
chu ldan 'o ma'i rgyun bzhin du nub kyi grogs po la
'khyog sgrog ma ste chu klung snyan por sgrogs pa zhig 'bab kyin 'dug pa
'i/ /'jug ngogs rin chen gad pa'i khri 'phang la/ /lnga rig mkhas pa chen po shAkya shrI de nyid
'gying ba'i ljags rtse las/ /rdo rje'i glu sgra 'bab pa ste mgur gyi gsungs pa
de thugs mtshor bskyil/ /ma 'ongs paN chen shAkya shrI dang / /dngos zhal 'dzom la sngar gyi mnal lam gyi lo rgyus
gsol bar mdzad pas paN chen de'i zhal nas
ka ye bu/ /khyod kyi rmi lam dang
dus kyi cho ga gcig par kho bor yang / /de lta bu'i rmi lam gyi
tshul byung mod ya mtshan rgya che gsungs/ /yang nub gcig gi mnal lam na
bsnyengs pa kun bral ba'i slob dpon
phyogs kyi glang po yis/ /rgol ba mtha' dag 'joms pa'i khri 'dzin pa/ /gzhan du su yang
ma dmigs pas khyed
myur du byon zhes pa'i/ /g.yar 'dren mos pa phyir mi gzhol ba'i ngor/ /rgya gar shar phyogs 'khor lo can gyi yul/ /der slob dpon phyogs glang
de nyid
bsti ba'i phug par song ba na/ /bde gshegs bka' las skyes pa'i glegs bam spo/ /lhun po kha na ma tho med gzigs la/ /de yi bdag por bskos pa'i chos kyi sgo/ /brgyad khri bzhi stong 'byed par mtshon nus pa'i/ /lde mig gtad pa'i mnal lam byung ste
gzims pa sad pa na/ /chos kyi mig chen bla na med pa thob/ /yang nub gcig gi mnal lam na
rgyud ni bslab pa gsum gyis bsdams la klog pa'i 'khor lo yongs bsgyur ba/ /skyon gyi dngos po btsal du med la legs pa'i yon tan nam mkha' mdzod/ /sdig par sdang la dge ba'i bshes su 'gyur 'gal rgyan
mtha' yas pa'i tshogs dbus su/ /skabs gsum la ba dkar po'i gdan la