[A:50b]gi bla ma bzang po dpal/ zhes shrI bha dra bsgyur nas der bshad do/ /'di dang dges pa rdo rje bka' babs bzhi'i nang tshan gyi nag po dam tshig rdo rje gnyis gcig yin no/ /de ltar rgyal sras sa 'dres pa sras kyi thu bo lnga dang bcas pa bzhugs pa'i skabs su de tsam na rgya gar 'phags yul du 'dus pa shin tu dar bar gyur te/ theg chen gyi paNDi ta phal cher 'dus pa slob/ 'dus pa la nyams bzhes mdzad pa mang bar bshad pa yin la/ yang rdo rje 'chang dngos kyis sa bcu pa'i byang chub sems dpa' blo gros rin chen la gsang ba 'dus pa'i gdams pa stsal/ des sa ra ha dang klu sgrub gnyis la gdams/ klu sgrub kyis ma taM gi pa/ de nas tai lo pa nA ro pa sogs brgyud pa'i gsang ba 'dus pa'i chos skor gangs ri'i ljongs 'dir dar ba'i nang tshan mar lugs grub thob nang brgyud du grags pa yang deng sang gi bar du bzhugs te/ de yang byang chub sems dpa' blo gros rin chen zhes bya ba 'di ni/ mdo lugs ltar na dge bsnyen chen po li tsa bI dri ma med par grags pa ste/ 'di'i lo rgyus ni lan cig dge bsnyen chen po 'dis mal chen po bcas nas bsnyun tshul bstan pa la/ dus gsum gyi sangs rgyas dang byang chub sems dpa' thams cad kyis bsnyun 'dri bar ma spobs/ bcom ldan 'das kyis 'phags pa 'jam dpal la khyod shes rab kyi spobs pa dang ldan pas dge bsnyen chen po'i bsnyun dris shig gsungs pas/ der 'jam dpal gyis dge bsnyen chen po ji tsam nas bsnyun dris pas/ 'khor ba thog ma med pa nas gsungs