[A:50a]slob ma slob pa'i rdo rje/ de'i slob ma gsang 'dus brgyud pa nag po spyod pa ba'i zhabs zin pa tsam zhig khas len dgos pa 'dra mo zhig 'dug pas/ gsang 'dus pa'i nag po spyod pa dang / bde mchog pa'i nag po spyod pa dus mi mtshungs pa'i kha tshon gcod pa yang dka' bar snang ngo / /gang ltar de lta bu'i nag po pa bde mchog brgyud pa'i nag po pa yin na mgon po mngon byung gi rgyud dang / dus 'khor rgyud phyi ma rnams las lung bstan zhing rnam thar rgyas pa bde mchog chos 'byung rnams las 'byung ngo / /des dri med blo gros dang / rgyal sras sa 'dres pa gnyis la gdams/ dang po des dpal ye shes snying po la/ de'i mar pa la brgyud pa'i tshul 'og tu 'chad do/ /gnyis pa rgyal sras sa 'dres pa chen po la slob ma'i mchog bIrYa bha dra ste mngon shes can/ de ba A ka ra tsandra ste za hor gyi mkhas pa btsun mo can/ dI paM ka ra ste mar me mdzad/ ratna a ka ra shAnti ste dpal sbas dang bzhi la gsungs/ dang pos rim lnga la 'grel pa mdzad/ gnyis pas rim lnga'i gtor chog la sogs pa mdzad cing / mar me mdzad 'di ye shes zhabs lugs pa'i brgyud 'dzin de'ang min la/ jo bo rje dang yang mi gcig go /de ltar lnga las mngon shes can gyis nag po dam tshig rdo rje la gdams/ de'i mtshan dngos shrI bha dra zhes bya/ yang kha cig tu nag po dam tshig rdo rje rgya skad du smos pas kr-iShNa sa ma ya badzra zhes pa yang snang / 'gos kyi stong thun chen mor/ rgyal ba'i chos la mnga' brnyes bdag