[A:62a] nas ma sos par/ 'di nyid bla ma jo 'tsho ba bya ba zhig gis bu mo'i cha lugs su bsgyur/ bu mo'i ming btags nas gsos te/ cung zad cher skyes pa na 'bri klog bslabs nas/ dpon spe gsar dpal 'bum bya ba'i drung du yi ge mkhas pa phul du phyin pa sbyangs/ de nas lan cig byis pa mang po phyugs 'tsho ba'i gral la byon pa'i skabs su nyal nas bzhugs pa na nam mkha' la sangs rgyas dang byang chub sems dpa'i gzugs brnyan dpag tu med pa gzigs te/ de'i rkyen gyis rlung sems dbu mar chud par yang grags shing / de nas yab 'das pa'i tshe ma na re/ khyod mi chos la spro na sa zin snga bar byed/ de min na mi gcig po chos kyi rgyu bya ba yin pas/ ji ltar legs bsam mno thongs/ btsun pa byas phyin chad nas chos mgo thon pa zhig dgos zer ba na/ mi chos dang 'khor ba'i nyes dmigs rig nas rab tu byung bar zhal gyis bzhes nas/ dgung lo bco lnga lon par nye ba'i tshe kun mkhyen chos sku 'od zer la mkhan po dang / 'jam gsar dbon po 'jam dpal la slob dpon zhus nas rab byung mdzad de mtshan yang 'phags pa'i 'od du btags/ de nas dgyes rdor gyi rgyud brtag gnyis dang / pha rol tu phyin pa'i sde snod la gsan sbyong mdzad nas/ dgung lo bcu drug pa la brtag gnyis dang / bco brgyad pa la phar phyin bshad pas/ bla ma chos sku ba mnyes nas/ da khyod rang chos dang chos ma yin pa dang / rigs pa dang mi rigs pa'i rnam dbye tshul bzhin du 'byed shes pa la/