[A:61b] byung nas/ dang por sa gzhi dmar por song song slob gnyer mdzad/ de nas bskyed rdzogs kyi don thugs nyams su bzhes pas nyams dang rtogs pa bsam gyis mi khyab pa thugs rgyud la 'khrungs shing 'gro don mang du mdzad nas sku gshegs pa'i tshe/ gzims khang la 'ja'i gdugs sum rim dang / gzhan yang 'ja' 'od kyis bar snang thams cad khyab pa sogs ngo mtshar ba'i ltas bsam gyis mi khyab pa byung ba dang / pur sbyangs pas thugs ma tshig par byon zhing / gdung dang ring bsrel yang mang du byung bar bshad do/ /de nyid la rgyang ro gser sdings pa gzhon nu 'od kyis gsang ba 'dus pa mar lugs dang 'gos lugs gnyis char cha tshang bar gsan/ gser sdings pa 'di gsang ba 'dus pa la shin tu mkhas shing man ngag gi rigs kyang mang du mdzad la/ de lta bu'i gser sdings pa gzhon nu 'od dang / rdog ArYa de wa'i slob ma rtag pa rin grags/ lce ston mdo sde seng ge dang gsum char la kun mkhyen chos sku 'od zer gyis gsan/ de la lce blo ldan seng ges gsan zhing / de gnyis char la 'phags 'od yon tan rgya mtshos gsan pa yin te/ de yang 'phags pa 'od 'di 'khrungs pa'i yul ni nyang stod thu gu dang nye ba na la spe zhes bya ba zhig yod pa de nyid de/ gdung rje rigs yin la/ sngags 'chang sha stag byung ba'i brgyud pa yab rje po rdo rje bya ba dang / yum ma gcig rje mo rgyal mtshan 'bum zhes bya ba gnyis la sras brgyad 'khrungs pa'i bla ma 'di chung shos yin zhing / gcen po rnams chung nar ma son pa la 'das