[A:62b] tshad ma rig pa la mkhas pa zhig dgos pas tshad ma slobs gsungs pa la/ khong pa'i thugs dgongs la/ ngas tshad ma kho nar ma zad dbus gtsang gi dge ba'i bshes gnyen thams cad kyi drung du phyin la yon tan phyogs med du shes pa zhig bya/ de la brgyags phye khur nas phyin kyang theg pa yang dka'/ theg na'ang da lta 'khur rgyu yang cher med pas/ de bas brgyags phye lag las 'dzag pa zhig bya dgos dgongs nas/ snyems su dpon bal po dge 'dun can du byon/ khong la phyag 'tshal dar phul nas/ bdag la ri mo bslab dgos byas pas/ khong gis chang btsags dang gang khyer byung ba na/ bdag chang mi 'thung byas pas/ khyed snying nas rang mi 'thung ba yin nam zer/ zhe nas mi 'thung ba lags byas pas/ ja bskol nas drangs/ gzhan yang bsnyen bkur bzang po zhig mdzad nas/ ston pa khyed tshugs ka bzang ba 'di bzhin byed pa ngo mtshar che/ tshul 'di bzhin byed pa la ri mo ma bslabs pa drag yon tan 'di mtha' ngan pa zhig 'dug pas/ ltogs rir shi ba gang byas kyang mi srid gsung nan chen pos ldog kyang / bdag la mno dgongs 'di 'dra zhig bdog pas cis kyang slob dgos zhus pas/ dpon gyis kyang / khong gi gus pa'i spyod lam/ don gnyer gyi 'dun pa/ 'bad pa'i nan tan rnams la blo mgu nas/ man ngag yongs su rdzogs pa gnang ste/ lo gcig la ri mo nan ltar legs pa zhig mkhyen nas/ dgung lo nyi shu bzhes pa'i tshe/ bla ma chos sku ba'i drung du rim lnga'i smar khrid zhus nas