[A:63a] bsgoms pas nyams rtags khyad par can 'khrungs/ de nas gsang 'dus rngog lugs dang / mar lugs gnyis ka'i bshad bka' dang / dus 'khor 'bro lugs kyi bshad pa rnams gsan zhing / gtso cher gsang 'dus rngog lugs la sbyangs nas/ dgung lo nyer gsum pa la gsang 'dus la bshad pa mdzad/ de nas bla ma 'di dang ras pa nam mkha' rdo rje bya ba gnyis kyis 'gran nas yo ga la thugs sbyong mdzad cing / de dag gi bar la rdo rje 'byung ba'i dbang bka' dang bshad bka'/ de nyid snang ba'i stod 'grel gyi dbang bka' bshad bka'/ dpal mchog stod 'grel gyi rigs bsdus dang / rdo rje sems dpa'i dbang bka' bshad bka'/ dpal mchog hor gong can/ 'jam dpal 'grel chen gyi dbang bka' dang bshad bka'/ 'jam dpal gsang ldan gyi dbang bka' dang bshad bka' man ngag gi bka'/ 'jam dpal 'grel chung gi dbang dang bshad bka' man ngag gi bka'/ bram ze sdom bzang nas brgyud pa'i 'jam dpal zab don du grags pa'i dbang bka' sogs dang / mar rngog gi lugs kyi gur brtag pa gsum man ngag dang bcas pa dang / dpyal lugs kyi gur brtag sam gsum/ 'gos kyi rdo rje gdan gzhi'i dbang 'grel bcas/ gser sdings pas mdzad pa'i theg bsdus/ de'i khrid lta sgom spyod 'bras/ de dag gi rgyab rten du gyur pa'i mdo dang / rgyud rgya gzhung phal che ba zhus/ gzhan yang gye re lha khang pa nas brgyud pa'i gsang 'dus ye shes zhabs lugs