[A:63b] kyi dbang bka' sogs dang / pu hrang lo chung nas brgyud pa'i bde mchog lo hi pa'i dbang rgyud/ gnyos lugs kyi bde mchog lo hi pa'i dbang rgyud/ 'gos bsod nams rtse mo'i bde mchog gi dbang rgyud/ steng pa lo tsA nas brgyud pa'i sangs rgyas mnyam sbyor gyi rgyud/ rngog lugs kyi sgyu ma chen mo'i dbang bka' bshad bka' man ngag dang bcas pa/ do ha skor gsum stod lugs smad lugs man ngag dang bcas pa/ bhu lu ka nas brgyud pa'i rlung 'chi med phyag len dang bcas pa/ mal lo nas brgyud pa'i sgrol ma nyer gcig gi dbang sgrub skor dang bcas pa dang / 'khor lo chen po'i dbang chos skor/ chos rje sa skya paN chen gyis bsgyur ba'i yo ga'i rgyud gsum/ dze tA ri nas brgyud pa'i mi 'khrugs pa'i dbang bka' sgrub skor dang bcas pa/ sa lugs kyi rnam rgyal lha dgu ma/ pu gcer lugs kyi rnam rgyal lha lnga bcu nga gsum ma rtog pa sgrub skor dang bcas pa/ mkhan po bo dhi sa twa nas brgyud pa'i gtsug tor dri med kyi mchod chog chos skor dang bcas pa/ rgyal po mdo lnga/ zab mo mdo lnga la sogs pa'i mdo dang / byams chos lnga dang / dbu ma rigs tshogs bstod tshogs/ springs yig gi tshogs dang tshig 'jug la sogs pa gsan no/ /de ltar kun mkhyen chos sku 'od zer gyis bla ma 'di la chos kyi gtad sor dgongs nas phyogs ris nas chos zhu ba byung ba rnams kyi gral bcug ste zab chos mang du gnang ngo / /de nas bla ma chos sku ba'i gsung gis/ da yon tan gzhan rnams thams cad phun tshogs pa byung 'dug pas/ de thams cad kyi