[A:64a] mtshang 'dru zhing gdar sha chod pa la rigs pa dgos pas tshad ma rnam nges cis kyang slobs gsungs nas/ slob dpon chos dar la gtad nas rnam nges la slob gnyer mdzad pas gzhung rdzogs par zin chos skad chags tsam byung ba dgung lo nyer lnga lon pa'i tshe bla ma chos sku ba zhi bar gshegs so/ /dgung lo nyer lnga'i mjug tu snar thang la byon nas/ der mkhan po skyo ston smon lam tshul khrims/ las slob dbu tshad pa rin chen bzang po/ gsang ston 'dul 'dzin sangs rgyas rgyal po rnams la zhus nas bsnyen rdzogs mdzad/ phyis su gsang ston la 'dul ba mdo rtsa tshar gsum gsan zhing / 'dul ba'i yan lag lag len dang bcas pa slob par mdzad/ de dag gi bar skabs bar skabs su bsam gling pa'i bla ma dar ma rgyal mtshan dang / shes rab dpal ba la phag mo khros nag bka' gter gnyis/ mai tri pa'i bcu gsum ma'i dbang / zhi byed thugs rgyud/ phyag chen brda/ lam 'bras bu dang bcas pa zha lugs la sogs pa gsan no/ /de nas bsam gling pa dang rtsa ba'i yon mchod yin pas/ pha gzhis thams cad bsam gling pa la phul nas/ dpal gro stag tshang seng ge rdzong du byon/ de nas gser sdings pa gzhon nu 'od kyi bu chen bla ma rdzong pa zhes bya ba nyams rtogs khyad par can mnga' ba zhig yod pa de'i spyan sngar/ sngar bla ma chos sku ba'i drung du bka' thob byas pa'i lta sgom spyod 'bras kyi khrid/ lta ba dbu ma chen po a ti sha nas/ ser grog sngon pa nas brgyud pa'i