[A:77a] par rtogs pa'i yon tan dpag tu med pa mnga' ba zhig yin no/ /de lta bu'i 'khon gad pa kIrtis/ byang khang pa bsod nams rin chen la gdams pa ma lus pa stsal ba yin te/ de yang byang khang pa 'di 'khon gad pa kIrti dang yum gcig pa'i sku mched kyang yin zhing / gad pa ba la rim lnga'i gdams pa zhus pas/ 'khon gad pa la dges pa'i gsung gis/ slob dpon pa byon pa legs/ chos bdag po la len du byon pa yin nam/ nga'i man ngag 'di rta zan bzhin bcang bcangs pa yin/ phag pa dbyar lam du tshud pa dang 'dra 'khyog sa med pa zhig yin/ zan lhag gi lugs kyi mi che ba yin/ gdams ngag gi lugs kyi mi mang ba yin gsungs shing / man ngag rdzogs par dbu snyung bzhes nas man ngag yongs su rdzogs par gnang ngo / /nyams rtogs kyi yon tan yang sgyu ma'i rnam thar 'khrungs pa sogs dpag tu med pa mnga' bas/ mya ngan las 'da' ba'i tshe/ bdag nyid chen po sa paN gyi rnam thar gyi cha shas dang tshul mtshungs par mdoms kyi mtshan ma rta cang shes ltar sbubs su nub pa dang / dbu'i gtsug tor gyen du 'phags pa la sogs pa ngo mtshar ba mang du byung ba dang / zhi bar gshegs la khad kyi tshe nga'i pur 'di ma sbyang bar nub phyogs su kha ston la zhog gsungs/ thur lha'i mchod khang du de ltar byas nas bzhugs su gsol bas/ de skabs rgya mkhar stod du srad pa'i rta jag gis yul mi chags pa lta bu'i zos ma bde yod pa rgyun chad pa'i lo rgyus kyang yod par grags so/ /de nyid kyis